Bismillahirrahamanirrahim
HADEES
Sulaiman bin Yasar , Jaffer bin umro ban Umia zamri se rivayet karte hain unhon ney kaha ke mein ubaidullah bin Adi bin Khayar ke sath safar ke liye nikla to jab hum log hummus puhanche to ubaidullah bin Adi ney kaha ke chalo wahshi bin Harb se mil kar hazrat Hamza razi Allah taala anho ke qatal ka haal pohunchain mein ney kaha chalo wahshi hummus hi mein rehta tha chunancha hum ney logon se pata maloom kya to bataya gaya ke dekho! woh apne makaan ke saya ke neechay mushk ki tarha phoola huwa baitha hai Jaffer kehte hain ke hum wahshi ke qareeb gaye aur salam kya is ney salam ka jawab diya is waqt Ubaidullah apna amaamah sir par is tarha lapete hue they ke sirf ankhen nazar aa rahi theen wahshi ko is se ziyada kuch nazar nahi aa raha tha ke woh un ki ankhen aur paiir dekh raha tha aakhir Ubaidullah ney poocha wahshi mujhe pehchante ho?
wahshi ney un ko dekha aur kaha Allah ki qisam! mein itna jaanta hon ke Adi bin Khayar ney aik aurat umm qtal Bint abi al ais se shadi ki thi umm qtal ke mecca mein jab aik larka paida huwa to mai is bacha ke liye un ko talaash kar raha tha ke jab achanak is bacha ko is ki maa ke paas le gaya aur woh bacha is ko day diya mein ney is ke dono paiir dekhe they goya ab bhi mein is ke paon dekh raha hon Jaffer kehte hain ke ubaidullah ney mun par se parda hatadya aur wahshi se kaha ke zara Hamza ke qatal ka haal bayan karo
wahshi ney kaha baat yeh hai ke badar ke din Hamza razi Allah taala anho ney Ta'eema bin Adi bin Khayar ko maar dala tha.
Jabeer bin muatim ney jo ke mere maalik they mujh se yeh kaha ke agar to Hamza razi Allah taala anho ko mere chacha ta'eema ke badlay mein maar daaley to to azad hai
wahshi ney bayan kya ke jab log Hunain ki larai ke saal niklay jo uhad ke qareeb aik pahar ka naam hai uhad aur is ke darmain aik naala hai is waqt mein bhi larnay walon ke sath nikla jab larai ke liye safain durust ho chakain to sabaa bin Abdul uzaa ney agay nikal kar kaha kya koi larnay wala hai Hamza bin Abdul Mutlib ney is ke bil-muqabil poanch kar kaha o sabaa umm namara ke baitay jo bachon ka khatna kya karti thi kya to Allah aur is ke rasool ﷺ ki mukhalfat karta hai phir hazrat Hamza razi Allah taala anho ney sabaa ko guzray hue din ki tarha bana diya
wahshi ney kaha phir mein qatal Hamza ki fikar mein aik pathar ki aarr mein baith gaya jab Hamza mere qareeb aeye mein ney un ko apna hathyaar pheink kar maar diya aur aakhir mera bhaala un ke zair naaf aisa laga ke woh sareen se paar hogaya wahshi ney kaha yeh un ka aakhri waqt tha
jab ahal Quresh mecca mein wapas aeye to mein bhi un ke hamrah mecca aa gaya jab fatah mecca ke baad mecca mein islam phail gaya to mein Taif mein ja kar muqeem hogaya is ke baad walon ney rasool ﷺ ke paas qasid beje aur mujh se kaha ke woh qasdon ko nahi satatay to phir mein ba-hasiat qasid rasool akram ﷺ ki khidmat mein haazir hogaya
aap ﷺ ney mujh ko dekh kar kaha kya tum hi wahshi ho? mein ney arz kya jee haan! aap ﷺ ney poocha kya Hamza razi Allah taala anho ko tum hi ney shaheed kya tha? mein ney kaha jee haan!
aap ﷺ ko to sab kefiyat maloom hai aap ﷺ ney farmaya kya tum apna mun mujh se chhupa sakte ho mein yeh baat sun kar bahar aa gaya aur phir rasool Allah ﷺ ki wafaat ke baad jab musailama ney nabuwat ka daawa kya to mein ney socha ke musalmanoon ke sath musailama ko maarny jaoon ga shayad is ko maar kar Hamza (ra)ke qatal ka kaffara ho sakay mein musalmanon ke sath musailama ke muqaabla par nikla musailama ke logon ney jo kuch kya woh mein dekh raha tha is ke baad mein kya daikhta hon ke musailama aik deewar ki aarr mein khara hai sir par nishaan aur oont ka sa rang hai mein ney wohi harba jo Hamza razi Allah taala anho ke liye istemaal kya tha nikala aur is ke maar diya jo dono chatiyon ke darmain se hota huwa dono moundon ke darmain se paar nikal gaya. itnay mein aik ansari kood kar is ki taraf gaya aur mein ney is ki khopdi par aik talwar bhi lagai .abdullah bin Fazeel is hadees ke Ravi bayan karte hain ke mujh se Sulaiman ban Yasar ney un ko abdullah bin Umar razi Allah taala anho ney bataya ke jab musailama mara gaya to aik chhokri makaan ki chhat par charh kar kehnay lagi haae amiralmomnin! ( musailama ) ko aik kalay ghulam ney maar dala.
-----------------------------
Reference : Sahih al-Bukhari 4072
In-book reference : Book 64, Hadith 117
USC-MSA web (English) reference : Vol. 5, Book 59, Hadith 399
No comments :
Post a Comment