Hajj aur Umrah Ke Masaayel Part- 8

 بِسْمِ اللَّهِ الرَّحْمَنِ الرَّحِيم

  Hazrat Abu Hurairah Radi allaho anho se rivayat hai ki Rasoollallah Sallallahu alaihi wasallam ne farmaya jis shaksh ne Allah subhanahu ke liye is tarah Hajj kiya ki na koi fahash (buri) baat ki aur na koi gunaah to wo is tarah wapas aayega jaisey uski Maa ne usey abhi paida kiya ho ( yani gunaaho se bilkul paak).
(Sahih Bukhari, 1521)

1- Hajj ke 5 arkaan hai:

1. Niyyat
2. Waqoof Arfaah
3. Muzdalifa mein shab guzaarna
4. Tawaaf Ziyarat.
5. Sayee (safa marwa ki).

Agar in mein se koyi arkaan chot jaaye to ayinda saal dubara hajj karna hoga bashart ye ke isteta’at ho (in arkaan ki tafsilaat aage di jayegi).

2-Hajj ke faraayez mein 5 baate hai:

1. Miqaat se ehraam baandhna.
2. Jamro ko kankriya maarna.
3. Sar ke baal mundwaana ya katarwana.
4. Ayyaam tashreeq ki ra'tein mina mein guzaarna.
5. Tawaaf wida karna.

Agar in mein se koi waajib chot jaaye to fidye mein ek jaanwar qurbaan karna hoga agar jaanwar qurbaan karne ki taaqat na ho to 10 roze rakhne honge jis mein se 3 Ayyaam E Hajj ke dauraan aur 7 ghar pahonch kar.

3-Aurat ka Hajj:

1.Mard ki tarah tamaam shariyat aurat ko bhi hai lekin 2 sharaayet mazeedh hai, jis mein ek mahram ka saath hona aur dosra aurat iddat mein na ho (yaani talaaq ke baadh waali iddat).

2. Hajj ko aurat ka jihaad qaraar diya gaya hai.

3. Aurat haj ke safar ke aghaaz ke waqt agar haalat hayz se ho to ghusul kar ke ehraam baandh le.

4. Dauraane hayz tawaaf ke alawa baakhi tamaam hajj ke manasik ada kar sakti hai.

5. Aurten bhi mard ke saath tawaaf kar sakti hai.

6. Aurat ke liye tawaaf ke pehle 3 chakkar mein ramal (yaani thoda tez chalna) mashro nahi.

7. Safa marwa ki sayee ke dauraan bhi aurat ke liye bhaagna (green light par) zaruri nahi hai.

8. Aurat ke liye sar ke baal mundvana jaayez nahi, kuch baal katarvana chahiye (ek por jitna) .

9. Hayz se paak hone ke baad aurat tawaaf ziyarat karne ke liye masjid Aeysha ja kar ehraam baandhe aur phir tawaaf kar le chaahe wo ayaam tashreek ke baad hee ho.

10. Hayz ki haalat mein aurat par tawaaf widayi ki rukhsat hai jab ke us ne 10 zil hajj ko tawaaf ziyarat kar liya ho.

11. Agar hayz se paak hone se pehle mulk ko jaane ke waqt aa jaaye to phir tawaaf ziyarat na karne ki surat mein aurton ko rukna hoga aur tawaaf ziyaraf ke baadh hee mulk jana hoga.

TO BE CONTINUED INSHAA ALLAH....

Jazaakumullahu khair'an 

Hajj aur Umrah Ke Masaayel Part- 7

 بِسْمِ اللَّهِ الرَّحْمَنِ الرَّحِيم

7-Aurto, baccho aur buddhon ke liye Haj jihaad hai:

Hazrat Aisha (Radi Allahu Anha) ne Nabi Sallallahu Alaihi Wasallam se arz kiya ke hum bhi kyn na Aap Sallallahu Alaihi Wasallam ke saat jihaad aur ghazwo mein jaya kare? Aap Sallallahu Alaihi Wasallam ne farmaya tumhaare liye sab se accha aur munasib jihaad Hajj hai, aisa Hajj jo maqbool ho. Hazrat Aisha (Radi Allahu Anha) bayaan karti hai ke jab se main ne Nabi Sallallahu Alaihi Wasallam ka ye irshaad suna hai main ne kabhi Hajj nahi chorda.
Sahih Bukhari 1861.

8-Har saaheb isteta’at par hajj farz hai:

Allah ta’ala ne un logo par jo us ki taraf raaste (yaani akhrajaat wagiayra) ki taaqat rakhte ho, us ghar (yaani Baitullah) ka hajj fardh kiya hai.
Surah Aale Imran ayat 97.

Rasool Allah Sallallahu Alaihi Wasallam ka irshad hai Jo shakhs (Hajj farz Hone ke baad) Hajj kiye bagair mar jaaye to wo chahe to Yahudi hokar mare ya Nasrani ho kar mare. (Tirmizi, Jild -1 Safa -167)

9-Hajj zindagi mein sirf ek martaba fardh hai:

Hazrat Ibn Abbas (Radi Allahu Anhu) se marvi marfo rivayat mein hai ke haj ek martaba (fardh) hai, aur jis ne zyaada kiya to wo nafli Hajj hai.
(Sahih Abu Dawood 1514)

Hajj ke liye sharaayat:

1.Mardh ke liye: Islam tasleem karna, baaligh hone, aqal mandh hona, azaad hona (yaani ghulaami mein na hona), isteta’ath hona.

2. Aurto ke liye: Islam tasleem karna, baaligh hone, aqal mandh hona, azaad hona (yaani ghulaami na hona), isteta’ath hona, mahram ka saath hona aur iddat mein na hona.

TO BE CONTINUED IN SHAA ALLAH....

Jazaakumullahu khair'an

Hajj aur Umrah Ke Masaayel Part- 5

 بِسْمِ اللَّهِ الرَّحْمَنِ الرَّحِيم

   Sayee: Safa marwah ke 7 chakkar lagane ko sayee kahte  hai. Shuru safa se kare aur sayee ek chakkar ki masafat adha kilometer hai aur total 7 chakkar ke sade teen kilometer 3 1/2 km hote hai.

Rasool-Allah Sal-Allahu alaihi wasallam jab safa se saee shuru kartey to padhtey

 'Innas-Safa wal-Marwata min sha'a"irillah.
 Surah Al-Baqarah [2:158]

Fir kabe ki taraf muh karke ye duwa padhe:

Allah hu Akber Allah hu Akber , Allah Hu Akbar, Allah hu Akber La’ilaha illalhu wahadahu la sharika lahu’lahul mulku walhul hamdu yuhyi wa yumitu wahuwa ala kulli shaeen kadeer.
La’ilaha illalhu wahadahu la sharika lahu anjazah waadahu wa na sara abdahu wa hajhmal  ahazaba wahadahu.

Ise 3 martaba padhna hai aur sirf pahle aur dusre martaba padhne ke baad duwa kare
{Sahi Muslim Hadees 1218}.

Safa se marwa ek chakkar aur marwa se safa dusra chakkar is tarike se saath chakkar lagane hai . aur marwa per chakkar khatam hoga. Sayee ke 7 chakkar safa se shuru hokar marwa per khatam hongey.

Sayee karte waqt jab hari light ke pass jayen to to mard hazrat dourdn bhagen. Aur aurtein na doude aur ye duwa kare. Aas Safa se lekar al marwa aur al marwa se lekar as safa ke darmiya yeh duwa pardhna jayaz hai.

“ Rabbig Fir’Waraham inna’ka Antal A’azzul Akram.
(A mere Rab meri magfirat farma aur mujhper rahma kar tu sabse zyada azmat wala aur karam karne wala hai.)

Sayee k Baad kuch log do rekat Nafl padhtey hain ye Biddat hai... Nafl sirf  Tawaf k baad hi padhni hai.

Sayee ke 7 chakkar muqammal hone ke baad. Masjid e haram se nikalte waqt ye duwa padhe jaise har masjid se nikalte waqt padhte hai.

Allahumma salli ala mohammadiv wa sallim Allahhumma inni as aluka min fazlik.

Phir mard hazrat pure sar ke baal mundwaye aur aurte sare sar ke baal ungli ke ek pore ki lambai se kuch zyada kate ab apka umrah muqammal hoga gaya. aur  ehraam khul gaya aur tamam pabandiya khatam ho gayi.

Apka Umrah Maukkamal hua, Ab aap aam dino me jaise halal kaam kiya karte the abb aap per wo tamam cheesen halal hai.

TO BE CONTINUED INSHAA ALLAH....

Jazaakumullahu khair'an

Hajj aur Umrah Ke Masaayel Part -3

 بِسْمِ اللَّهِ الرَّحْمَنِ الرَّحِيم

Niyyat Dil Ke iraade kaa naam hai.  Rasoollallah Sallallahu Alaihi Wasallam ne Hajj aur umrah ki niyyat zabaan se or Awaaz se ki hai.

Umrah ke safar me ihram bandhne se pahele Tasbeeh, Tahleel, aur Takbeer ya koi aur adhkar Padhna Mustahab hai .

Tasbeeh: SubhanAllah, Tahleel: Laa ilaaha ill-Allaah,Takbeer: Allahu Akbar
{Sahi Bukhari Hadees No.1548}

yeh sirf aur sirf Meeqat Pahuchkar Ihram bandhne se pahele padhna hai, Ihram bandhne ke baad nahee, Ihram bandhne se muraad hai Umrah ki niyyat karna.

Umrah (Tawafful Kuddum): Miqaat Pahuch kar Ehraam Bandhle Ehraam Ghar Se bhi bandha ja sakta hai. lekin Niyyat Duwa aur Talabiya Miqaat pahuch kar karna  hai. Agar aap Ehraam Ghar se bandhkar kar plain ka safar kar rahe hai to . Miqaat ane se pahle apko bata diya jayega announcement ke zariye. tab aap niyyat aur talbiya pukarna shuru kar de.

Ehraam bandhne ke baad  ki koi khaas namaz nahi hai jaise aaj logo ne bana rakhi hai. Agar waqt ho to dakhile masjid ki 2 rakat nafl padhle tab jab aap masjid me dakhil ho aur us waqt farz namaz ka waqt na ho ya farz namaz ki jamat naa khadi ho to.

Miqaat per Ehram bandhne ke baad Umrah ki niyyat Duwa: aise kare .

“Labbaik Allah’humma Bee Umrah”
(A Allah My hazir hu umrah ke sath).

Ab apka kafila miqaat se hokar  haram ki taraf badega . Abb Mard Ba Awaze buland talabiya padhe aur aurtein Ahista se padhe. Auraat ke liye jayaz nahi ki Aurat ki Awaz na mahram ke kano tak pahuch jaye. Isiliye Aurtein Ahista se talbiya kahe.

Talbiya: “  Labbaik Allah’humma labbiak, Laa sharika’Lak labbaik, innal hamda wan’nemataa laka’wal mulk  laa sharik’ lak.( A Allah my hazir hu apka koi sharik nahi hai. My hazir hu, beshak tamam tarife aur tamam  nemaate apke liye hai. Aur hukumat saltanat apki hai. Apka koi sharik nahi.)
{Sahi Bukhari Hadees No.5571 & Sahi Muslim Hadees No. 1184, Sahih Muslim, Vol 3, 2811}

Talbiya kahne wale ke saath Sab paththar, Darakht aur dhele bhi Talbiya kahte hain

Hazrat Sahl bin Sad As-Saidi Radi-Allahu-Anhu se rivayat hai ki Rasoollallah Sallallhu- Alaihi-Wasallam ne farmaya jab Talbiya kahne wala Talbiya kahta hai to uske daye ( right side) aur baye (left side) zameen ke dono kinaro tak sab paththar, Darakht aur dhele bhi Talbiya kahte hain.
Sunan Ibn Majah, Vol 2 , # 1078 (Hasan)

Talabiya ko pukarna , Ehraam aur Niyyat bandhne se shuru kare aur khatam tawaf shuru karne se pahle . tawaf shuru karne se pahle talabiya kahna band karde. Aur Masjid E Haram me waisey hi dakhi ho jaise dusre masjido me sunnat tariqe se dakhil hote hai. Masjide Haram me sidhe pair se dakhil hokar ye duwa padhe:

Auzubillahi Min’nashaitaan nir razzim Bismillah hir Rahman nir raheem“ Allah’humma salli’ala mohammadiv Wa Sallim, Allah’humma fa’tahli Abwaba Rahmtik. (A Allah rahmat nazil farma mohammed Sallelaho Alayhi Wa sallam per! Aur Allah mere liye rahmat ke darwaze kholde”).

TO BE CONTINUED INSHAA ALLAH....

Jazaakumullahu khair'an 

🕋 Hajj aur Umrah Ke Masaayel Part -2

 بِسْمِ اللَّهِ الرَّحْمَنِ الرَّحِيم

Hum Umrah kaise kare Rasoollallah Sallallahu Alaihi Wasallam ne kaise kiya tha.?

Umrah Ka Sahee Tariqa:

 “Umrah me 4 Kaam karna Farz/ Wajib hai.

1. Ehraam ke sath niyaat aur Labbaik kahna .(Mard ke liye Ehraam ki do chadar hai, aur wo sili huyi na ho, Aur aurto ka Ehraam unka aam paak aur sharai libaas hi hai. Sath me burqa bhi pahan le.
Aurte apne burqe se apne jism ko puri tarah dhank le yaha tak ki kaan bhi chip jaye.

2. Kabba ka Tawaaf karna.

3. Safa aur Marwah ke darmiyaan saee karna .

4. Sar k baal Mundwana . (Auratain apne sar k baal ungli ke Ek pore kate).

In 4 Kaamo me se kisi ek ko janbujh kar chord dene per Damm Lazeem hoga matlab apko ek qurbani deni padegi.

khaas khayal rakhe tamam arkaan aur sunnato ke saath Umrah ko muqammal karne ke liye. Agar Sunnat aur nafl kaam choot jaye to koi  harz nahi . lekin har ibadat farz, wajib , sunnat, nafl ka khaas khayal zaroor rakhe.

Ehraam Bandhne se pahle in kaamo ko karna afzal hai .

Badan ki Safai karna, Zere Naaf aur Bagal yaani(under Arms) ke baal katna, Nakhoon katna ya inhe chote karna, ghusul karna , aur Badan per khushbu lagana sunnat hai.

Yaad rakhe in kaamo ko Ehraam bandhne se pahle karna hai . Ye sare kaam ehraam ki halat me jayaz nahi.

In baton ka khaas khayal rakhe:
Ehraam ki halat me Mohrrim baal naa kate agar khudba khud jhad jaye to koi harz nahi, Ehraam ki halat me mohrrim Nakhoon na kate agar khud ba khud jhad jaye to koi harz nahi, Ehraam ki halat me mohrrim Khushboo na lagaye agar ehraam bandhne se pahle lagayi huyi khushboo ki mahak aye  to koi harz nahi, Ehraam ki halat me mohrrim apne sar ko na dhake agar chatri, bus ki chat, bag, suitcase se sar chip jaye to koi harz nahi, Ehraam ki halat me mohrrim koi bhi darkhat ya jhaad ke patte na tode na hi haram ke hudood me na hi Hudood E Haram se bahar, aur na hi koi parinda ko mare aur nahi kisi ka shikar kare.

Ehraam ki halat me mohrrim apni biwi wife se shahwat na kare , aur Ehraam ki halat me mohrrim kisi ko rishte ka paigham na bheje. aur Ehraam ki halat me mohrrim kisi cheez ko hath na lagaye chahe wo niche gira huwa kyu na ho jaise purse wallet/ya koi bhi saman ko hath na lagaye aur nahi use uthaye. Agar niyyat un cheezo ko announcement ke zariye batani hai pahuchnai hai to phir koi harz nahi.

Ehraam ki halat me mohrrim ko chot ya zakhm lag jaye to koi harz nahi. Ehraam ki halat me mohrrim ke liye ye cheeze jayaz hai inhe used kar sakte hai: Jaise Belt, Ghadi, Mobile Phone, Wallet, Agar zarurat ho ghusul ki to Ehraam ki halat me mohrrim ghusul kar sakte hai. Agar zarurat ho ya Ehraam ki chadare maili ho jaye to use badal bhi sakte hai.

TO BE CONTINUED INSHAA ALLAH....

Jazaakumullahu khair'an 

Hajj aur Umrah Ke Masaayel Part-1

 بِسْمِ اللَّهِ الرَّحْمَنِ الرَّحِيم

1  - Hajj ke maani: Hajj ke lafzi maani hai iraada karna, Hajj ke istelaahi maani hai makhsoos afaal ki adyegi ke liye masjid haram ki taraf (safar) ka irada karna Hajj keh lata hai.

2-Umrah ke Maani: Umrah ke lafzi maani hai irada karna ya ziyarat karna Umrah ke istelaahi maani hai miqaat se ehraam baandh kar tawaaf baitullah aur safa marwa ki sayee karna aur baal mundwana umrah hai.

Rasoollallah Sallallahu Alaihi Wasallam ne umrah apni zindagi me 4 martaba ada farmaya hai aur hajj sirf 1 martaba jo apka pehla aur akhri Hajj tha, uska naam Hajjatul Wida hai. Is talluq se (Abu dawood aur Musnad Ahmad ne riwayat nakal ki hai.

Jo usmein ( Makka mein) dakhil ho jata hai wo aman wala ho jaata hai .

AL Quran : Beshak logon ke waste jo sabse pehla ghar muqarrar huwa wo yahi hai jo Makka mein barkat wala hai aur sare jahan ke logon ke liye rahnuma hai Ismein Zahir nishaniyah hain , Muqam-e-Ibrahim hai, aur jo usmein dakhil ho jaye wo aman wala ho jaata hai aur logon par is ghar ka HAJJ karna Allah ka haq hai jo shaksh us tak pahunchne ki taqat rakhta ho, aur jo inkaar kare to phir Allah jahan walon se be parwah hai.
Surah Aal-e-Imran(3) Verse: 96-97 .

“Umrah gunaaho ka kaffaara hai aur haj mabroor ka badla Jannat hai.”

Abu Hurairah Radi allahu anhu se rivayat hai ki Rasoollallah Sallallahu alaihi wasallam ne farmaya HAJJ mabrur ka jannat ke siwa koi sila nahi hai aur ek umrah dusrey umrah tak hone wale gunaho ka kaffara hai.
Sunan Nasaii, Vol 2, 533 – Sahih

TO BE CONTINUED IN SHAA ALLAH....

Jazaakumullahu khair'an
_____ _________
_______________

Azkaar for the First Ten Days of Dhul Hijjah

Bimillahirrahamanirrahim

*The Prophet said: “There are no days on which good deeds are greater o r more beloved to Allaah than on these ten days, so recite much Tahleel (saying Laa ilaaha ill-Allaah), Takbeer (saying Allahu akbar) and Tahmeed (saying al-hamdu Lillaah)." (Ahmad -Saheeh)


❤🌹💖اَسْتَغْفِرُ الله

💜🌸💛سُبْحَانَ الله وَ بِحَمْدِہ

💚🌺💙لَا اِلٰہَ اِلَّا الله

💖💐❤ سُبْحَانَ الله وَالْحَمْدُ لِله ِوَلَا اِلٰہَ اِلَّا الله وَ الله اَکْبَرُ

💜🌹❤ الله اَکْبَر الله اَکْبَر لَا اِلٰہ اِلَّا الله وَالله  اَکْبَر وَ لله الحَمْد

💙💛🌸سُبْحَانَ الله وَ بِحَمْدِہ سُبْحَانَ الله الْعَظِیم

🌹💖❤اللّٰھمَّ صَل عَلی مُحمدٍ وَ علی آلِ محمد

❤🌸💖
الله اَکْبَر کَبیرا وَالحمدُ لله کَثیرا وَ سُبْحَانَ الله بُکْرۃوَاَصِیْلا

💖🌺❤اللّٰھم اغْفِرلی اللّٰھم ارْزُقْنی اللّٰھمَ ارْحَمْنی

💐🌹💖 سُبْحَانَ الله وَالْحَمْدُ لِله ِوَلَا اِلٰہَ اِلَّا الله وَ الله اَکْبَرُ

💚🌺💛 ھو الاوَّل  وَ الآخِر والظَاہر و الباطِن وَھو بِکل شی ءٍ عَلِیم


🌸🌴❤
أَللّٰهُمَّ أَصْلِحْ لِىْ دِيْنِىَ الَّذِىْ هُوَ عِصْمَةُ أَمْرِىْ وَ أَصْلِحْ لِىْ دُنْيَاىَ الَّتِىْ فِيْهَا مَعَاشِىْ وَ أَصْلِحْ لِىْ آخِرَتِىَ الَّتِىْ فِيْهَا مَعَادِىْ وَاجْعَلِ الْحَيَاةَ زِيَادَهً لِّىْ فِىْ كُلِّ خَيْرٍ وَّاجْعَلِ الْمَوْتَ رَاحَةً لِّىْ مِنْ كُلِّ شَرٍّ



❤🌸💖  الله اَکْبَر کَبیرا وَالحمدُ لله کَثیرا وَ سُبْحَانَ الله بُکْرۃوَاَصِی
🌺💖 سُبْحَانَ الله وَ بِحَمْدِہ

❤🌺🌺 الله اَکْبَر الله اَکْبَر لَا اِلٰہ اِلَّا الله وَالله  اَکْ
❤💖🌺 لَا اِلٰهَ اِلَّا اللهُ وَحْدَهُ لَا شَرِیْکَ لَهُ، لَهُ الْمُلْکُ وَ لَهُ الْحَمْدُ وَ ھُوَ عَلٰی کُلِ

❤🌺💖💐 سُبْحَانَ الله وَالْحَمْدُ لِله ِوَلَا اِلٰہَ اِلَّا الله وَ الله اَکْبَرُ

Prophet Muhammad's (SAW) Last Sermon

                     بِسْمِ اللَّـهِ الرَّحْمَـٰنِ الرَّحِيمِ

  This Sermon was delivered on the Ninth Day of  Dhul Hijjah 10 A.H in the Uranah Valley of mount Arafat.

"O People, lend me an attentive ear, for I don't know whether, after this year, I shall ever be amongst you again. Therefore listen to what I am saying to you carefully and take these words to those who could not be present here today.

O People, just as you regard this month, this day, this city as Sacred, so regard the life and property of every Muslim as a sacred trust. Return the goods entrusted to you to their rightful owners. Hurt no one so that no one may hurt you. Remember that you will indeed meet your Lord, and that He will indeed reckon your deeds. Allah has forbidden you to take usury (Interest), therefore all interest obligation shall henceforth be waived...
Beware of Satan, for your safety of your religion. He has lost all hope that he will ever be able to lead you astray in big things, so beware of following him in small things.

O People, it is true that you have certain rights with regard to your women, but they also have right over you. If they abide by your right then to them belongs the right to be fed and clothed in kindness. Do treat your women well and be kind to them for they are your partners and comitted helpers. And it is your right that they do not make friends with any one of whom you do not approve, as well as never to commit adultery.

O People, listen to me in earnest, worship Allah, say your five daily prayers (Salah), fast during the month of Ramadhan, and give your wealth in Zakat. Perform Hajj if you can afford to. You know that every Muslim is the brother of another Muslim. You are all equal. Nobody has superiority over other except by piety and good action.

Remember, one day you will appear before Allah and answer for your deeds. So beware, do not astray from the path of righteousness after I am gone.

O People, no prophet or apostle will come after me and no new faith will be born. Reason well, therefore, O People, and understand my words which I convey to you. I leave behind me two things, the Qur'an and my example, the Sunnah and if you follow these you will never go astray.

All those who listen to me shall pass on my words to others and those to others again; and may the last ones understand my words better than those who listen to me directly. Be my witness oh Allah that I have conveyed your message to your people."
Please share it ..