Tum par mara hua jaanwar aur suwar ka gosht

Bismillahirrahamanirrahim
----------
✦ Al Quran :Tum par mara hua  jaanwar aur suwar ka gosht aur jis cheez par (zabah karte waqt) Allah subhanahu ke siwa kisi aur ka naam liya gaya ho aur jo jaanwar gala ghot kar mar jaye , aur jo chot lag kar mar jaye aur jo seeng lag kar mar jaye ye sab haram hain, aur wo jaanwar jisko darinde phaad khaye magar jisko tum (marne se pahle) zabah kar lo (wo halal hai).
💐Surah Al-Maida(5), Aayat 3

✦ Rasool-Allah Sal-Alalahu alaihi wasallam ne har phaad kar khane wala darinde aur har panje se shikar karne wale parinde ko khane se mana farmaya hai
💐Sunan Abu dawud, Jild 3, 402

✦ Rasool-Allah Sal-Alalahu alaihi wasallam ne gandagi khane wale jaanwar ko khane aur uske doodh peene se mana farmaya hai
💐Sunan Abu dawud, Jild 3, 385

✦  Jabir radi allahu anhu ne farmaya ki hum jab ghazwa e khabt mein sharik huye they to hum sab bhukh se bahut betab ho gaye they us waqt samundar ne ek murda machli bahar phenki usko anbar kaha jata hai wo machli humne 15 din tak khayee
💐Sahih Bukhari, 5493