Hadees
Bismillahirrahamanirrahim
-------------------
Hazrat Ali Radi Allahu Anhu se rivayat hai ki RasoolAllah (ﷺ) ko kisi ke liye apne maa baap ko Qurban karne ka lafz nahi suna siwaye Saad bin abi waqas radi allahu anh ke , maine RasoolAllah (ﷺ) se suna aap farma rahe they Eh Saad , Teer chalao tum par mere maa baap Qurban ho aur mera khayal hai ki ye Ghazwa e uhad ke moqe par farmaya.
------------------------
*Sahih Bukhari, Jild 7, 6184*
-------------------------
Anas Radi Allahu anhu se rivayat hai ki Ghazwa e Uhad ke din jab log Radi Allahu Anhu RasoolAllah (ﷺ) ko chhod kar idhar udhar jaane lage to Abu talha Radi Allahu Anh us waqt apni ek dhaal (shield) se Aap (ﷺ) ki hifazat kar rahe they , Hazrat Abu Talha Radi Allahu Anhu bade teerandaaz they aur khub achchi tarah teer chalaya karte they ,us din unhone do ya teen kamanein (bows) tod di us waqt agar koi shaksh tarkash liye huye guzarta to Aap (ﷺ) farmate ke iske teer Abu Talha ko de do, Jab Aap SallAllahu Alaihi Wasallam jung ka haal maloom karne ke liye thoda upar uth kar dekhte to Abu Talha Radi Allahu anhu arz karte Ya RasoolAllah (ﷺ) mere maa baap aap par Qurban ho is tarah aap upar uth kar mulahiza na farmaye kahi koi teer aapko na lag jaye , mera seena Aap (ﷺ) ke seene ki dhaal bana raha.
-------------------------
*Sahih Al-Bukhari, Jild 5, 3811*
---------------------
Abu Hurairah Radi Allahu Anhu se rivayat hai RasoolAllah (ﷺ) ne farmaya ki maine Jafar (Radi Allahu Anh) ko jannat mein farishto ke saath udte huye dekha.
-----------------------
*Jamia Tirmizi, Vol 2, 1697-Hasan*
Kis sahabi k bary m huzoor saw ny farmaya k mery maa baptum par qurbN? Plz ans kijiye ga
ReplyDeleteMery ilam k mutabaq hazoor pak ko sahaba ye kehty thy k humary maa baap ap pe qurbaa yarsool Allah.
Delete