Laylatul Qadar

LAYLATUL QADR ♻

Asalamu alaikum warhamatullahi wabarakatuhu

🍂🍃Bismillahhirrahmanirrahim 🍃🍂

1.🌙LAYLATUL QADR KYA HAI❓

ALLAH s.w.t. Quran e majeed me farmate hai
“Yaqinan Hum ne Ise (Quran) ko Shab e Qadr mein Naazil farmaya, Tum kya samjhe Ke Shabe Qadr kya hai? Shab e Qadr ek Hazaar ‘Mahino’ se behtar hai, Us (mein har kaam) ke sar Anjaam dene ko Apne Rab ke Hukm se Farishte aur Jibraeel utarte hai, ye Raat sarasar Salaamti ki hoti hai aur Fajr ke tulu hone tak (rahti hai)”.
📕Surah Qadr 97, ayat 1-5

2.LAYLATUL QADAR KA WAQT

Aisha r.a. riwayat karte hai ki RasoolAllah sallallaho alyehi wasallam ne farmaya. “Ramzaan ki aakhri ashre ki Taak raato me Laylatul Qadr talash karo.
📚Sahih al-Bukhari, hadith 2017

👆Is hadees se ye bat malum padti hai ki laylatul qadr hame odd raato me talash karni hai. yani (21,23,25,27,29)me.

3.LAYLATUL QADR ME KI JANE WALI DUA

*” اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي “*
‘Allahumma innaka ‘afuwwun tuhibbul-‘afwa, fa’fu ‘anni ‘

🔺Tarjuma🔺
“Ya Allah tu Muaf farmane wala hai, muaf karna pasand karta hai, Lihaza mujhe muaf farma”.
📚Sunan Ibn Majah, hadith-3850.( Sahih)

4.LAYLATUL QADR ME ZADA IBADAT KARNA

Aisha r.a. farmati hai ki Ramzaan ke aakhri ashre me Rasool’Allah sallallaho alyehi wasallam baqi dino ki nisbat, ibadat me zyada koshish farmate.
📚Sunan Ibn Majah, Vol. 1, Book 7, Hadith 1767.(sahih)

5.APNE GHARWALO KO BHI IBADAT KARNE KE LIYE JAGAANA

Aisha r.a. farmati hai ke jab Ramzaan ke aakhri 10 din shuru hote to RasoolAllah sallallaho alyehi wasallam ibadat ke liye kamar-basta ho jate (kamar kas lete), raato ko jaagte aur apne ahl o ayaal ko bhi jagate.
📚Sunan Ibn Majah, Vol. 1, Book 7, Hadith 1768. (sahih)

6.LAYLATUL QADR ME GUNAAHO KI MUAAFI

Abu Huraira r.a. riwayat karte hai ki Rasool Allah Sallallahu Alailhi Wa Sallam ne farmaya “Jisne Laylatul Qadr mein Imaan ke saath Sawaab ki Niyyat se Qiyaam kiya, Uske Guzishta Gunah Muaaf kardiye Jaate hai”
📚Sahih al-Bukhari, hadith 2014
Subhan ALLAH.

Jazak ALLAH khair