Uzza Koun Hai

Bismillahirrahamanirrahim

HADEES

*أَفَرَأَيْتُمُ اللَّاتَ وَالْعُزَّىٰ*
Al Quran : Kya tum logo ne Al-Laat aur Al-Uzza ko bhi dekha hai ?
Surah Najam (53) Aayat 19

Seerat Ibn ishaq se rivayat hai Quraish aur banu Kinana Uzaa ke pujari they Jo nakhla mai tha, Uska nighaban aur mutawali Qabile Banu Sheaban tha Jo Qabile Salim ki shaakh tha aur Banu Hashim ke sath unka Bhai Chara tha, Us boot ko todne ke liye Rasool-Allah Sal-Allaahu Alaihi Wasallam ne Fatah Makkah ke bad Hazrat Khalid bin Waleed Radi Allahu Anhu ko bheja tha jinhone usko tukde tukde ker diya aur kehte jaate they

Eh Uzaa Mein tera munkir hu 'Teri Paaki bayan kerne wala nahi hu,
Mera Imaan hai teri Izzat ko Allah ne khaak Mai Mila diya ,

Ye Babul ke teen darakhto per tha, Jo darakht kaat dale aur Qubba dhaha diya aur wapas aaker Huzur Sallallahu Alahai Wasallam ko ittela di , Aap Sallallahu Alahai Wasallam ne farmaye tumne kuch nahi kiya lot ker dubara jao, Hazrat Khalid bin Waleed Radi Allahu Anhu ke dubara tashrif le jaane per waha ke muhafiz aur khadimo ne bade bade makr aur fareb kiye aur khub Gul macha macha ker Ya Uzza Uzza ke nare lagaye.

Hazrat Khalid bin Waleed Radi Allahu Anhu ne Jo dekha to malum hua ek bina kapde ki aurat hai jiske bal bikhre huye hain aur apne sir per mitti dal rehi hai Aap ne Talwar ke ek hi war main uska kaam tammam kiya aur Wapas aaker Huzur Sallallahu Alahai Wasallam ko khaber di tab Aap Sallallahu Alahai Wasallam ne farmaya Uzaa yehi thi.

Tafsir Ibn Kathir, Surah Najam (53) Aayat 19