*﷽*
Kitaabul Wahi*
Ummul M’omineen Aisha Radhiallahu Anha se riwayat hai woh kehti hain ki Nabi Kareem Sallallahu Alaihi Wasallam per Wahi ka ibtidayi (means starting) daur achche sachche pakeeza khwaabon (means dreams) se shuru huwa, Aap Sallallahu Alaihi Wasallam khwaab (means dream) mein jo kuch dekhte wo subah ki roshni ki tarah sahih aur sachcha sabit hota, phir Allah ki janib se Aap Sallallahu Alaihi Wasallam tanhayi pasand ho gaye aur aap Sallallahu Alaihi Wasallam ne ghaar e Hira mein tanhayi ikhtiyar farmayi aur kai kai din aur raat wahan musalsal ibadat aur Allah ki yaad aur zikr o fikr me mashghool rehte, jab tak ghar aane ko dil na chahta tosha (means journey food) saath liye huwe wahan rehte, tosha (means journey food) khatm hone par hi biwi mohtarma Khadijah Radhiallahu Anha ke paas tashreef laate aur kuch tosha (means journey food) saath le kar phir wahan ja kar khalwat guzeen ho jaate, yahi tariqa jaari raha yaha tak ke Aap Sallallahu Alaihi Wasallam par haq wazeh ho gaya aur Aap Sallallahu Alaihi Wasallam Ghaar e Hira hi mein thehre huwe they ke achanak Jibra’eel Alaihissalam Aap Sallallahu Alaihi Wasallam ke paas hazir huwe aur kehne lage ke Aye Mohammad! Padho Aap Sallallahu Alaihi Wasallam farmate hain ke maine kaha ke main padhna nahi jaanta, Aap Sallallahu Alaihi Wasallam farmate hain ke Farishte ne mujhe pakad kar itne zor se bheencha ke meri taqat jawaab de gayi, phir mujhe chor kar kaha ke padho, maine phir wahi jawaab diya ke main padha hua nahi hun, us Farishte ne mujhe bahut hi zor se bheencha ke mujhko sakht takleef mehsoos hue, phir usne kaha padho! Maine kaha mai padha huwa nahi hun, Farishte ne teesri baar mujhko pakda aur teesri baar phir mujhe bheencha phir mujhe chor diya aur kehne laga ke “padho apne Rabb ke naam ki madad se jisne paida kiya aur insaan ko khoon ki phatki (means clot) se banaya, padho aur aapka Rabb bahut hi meherbaniyan karne wala hai”, bus yahi aayatein Aap Sallallahu Alaihi Wasallam Jibra’eel Alaihissalam se sun kar us haal mein Ghaar e Hira se wapas huwe ke Aap Sallallahu Alaihi Wasallam ka dil us anokhe waqiye se kaanp raha tha, Aap Sallallahu Alaihi Wasallam Khadija Radhiallahu Anha ke paas tashreef laaye aur farmaya ke mujhe kambal udha do, mujhe kambal udha do, logon ne Aap Sallallahu Alaihi Wasallam ko kambal udha diya, jab Aap Sallallahu Alaihi Wasallam ne apni biwi mohtarma Khadijah Radhiallahu Anha ko tafseel ke saath ye waqiya sunaya aur farmane lage ke mujh ko ab apni jaan ka khauf ho gaya hai, aap Sallallahu Alaihi Wasallam ki biwi mohtarma Khadijah Radhiallahu Anha ne aap Sallallahu Alaihi Wasallam ki himmat badhaayi aur kaha ke aapka khayaal sahi nahi hai, Allah ki qasam! Aapko Allah kabhi ruswa nahi karega, aap to akhlaq e faazila ke maalik hain, aap to kumba-parwar hain, be-kason ka boojh apne sar par rakh lete hain, muflison ke liye aap kamate hain, mehmaan-nawazi mein aap be-misaal hain, aur mushkil waqt mein aap haq baat ka saath dete hain, aise achchi khoobiyon wala insaan yun be-waqt zillat o khwari ki maut nahi paa sakta, phir mazeed tasalli ke liye Khadijah Radhiallahu Anha Aap Sallallahu Alaihi Wasallam ko Waraqa bin Naufal bin Asad bin Abdul Uzza ke paas le gayin, jo unke chacha-zad bhai (means cousin brother) they aur zamaana e jahiliyyat mein nasrani mazhab ikhtiyaar kar chuke they aur Ibraani zabaan (means Hebrew language) ke kaatib (means likhne wale) they, chunanche Injeel ko bhi Allah ki chahat ke hisaab se Ibraani zabaan mein likha karte the, (Injeel saryaani zabaan mein nazil hue thi phir us ka tarjuma Ibr
aani zabaan mai huwa, Waraqa usi ko likhte they) wo bahut boodhe ho gaye they yaha tak ke unki aankh ki roshni bhi khatm ho chuki thi, Khadijah Radiallahu Anha ne unke saamne Aap Sallallahu Alaihi Wasallam ke halaat bayaan kiye aur kaha ke Aye chacha-zad bhai! Apne bhateeje (Mohammad Sallallahu Alaihi Wasallam) ki zubaani zara unki kaifiyat sun lijiye wo bole ke bhateeje aap ne jo kuch dekha hai, us ki tafseel sunaao, chunancha Aap Sallallahu Alaihi Wasallam ne shuru se aakhir tak poora waqiya sunaya, jise sun kar Waraqa be-ikhtiyaar ho kar bol uthe ke ye to wohi namoos (mo’azzaz raaz daan Farishta) hai jise Allah ne Musa Alaihissalam par Wahi de kar bheja tha. Kaash, main aapke is ahd e nabuwwat ke shuru hone par jawaani ki umr mein hota, kaash main us waqt tak zinda rehta jab ke Aap ki qaum aap ko is shehar se nikaal degi, Rasoolallah Sallallahu Alaihi Wasallam ne ye sun kar ta’jjub se poocha ki kya woh log mujh ko nikaal denge? (halanki main to un mein Sadiq o Ameen aur Maqbool hun) Waraqa bole han ye sab kuch sach hai. Magar jo shakhs bhi aap ki tarah haq baat le kar aaya log uske dushman ho gaye hain. Agar mujh ko aapki nabuwwat ka woh zamana mil jaye to main aapki poori madad karunga. Magar Waraqa kuch dino ke baad inteqaal kar gaye, phir kuch dino tak Wahi band rahi.
Sahih Al-Bukhari:3
Hadees No: 3
It is my belief that The Prophet saww who is Madina tul Elm would not be guided by people like Werqa bin Nofel. Then, Allah sent revelation on honey bees to build houses on mountains. Honey bees never went through such pain and ordeal. Allah also sent revelation on Hazrat Maryam a.s through Jibreel as (Surah Maryam, 19) and said Allah wants to bestow you with a son. Hazrat maryam a.s was not a Prophet or a Messenger but she never got scared upon receiving the Divine Revelation. Similarly, Allah sent Revelation on Umm e Musa a.s. saying Pheroahs is killing all the newly born sons of Bani Israel and keeping girls alive. So, put your son in a box and let it go along the water currents of the river Nile. Umm e Musa did as Allah asked without getting scared or worried. All these stated incidents in Quran tell us that none of these people ever felt any pain or got scared in an event of Divine Revelation.
ReplyDelete